Еліміздегі жер комитетінің міндеттері кеңейтілді

25 наурыз 2025 17:33 Ләззат Сұңқар

Фото: gov.kz

Қазақстанда Ауыл шаруашылығы министрлігіне қарасты Жер ресурстарын басқару комитетінің функциялары кеңейтілді, деп хабарлайды Orda.kz.

«Қазақстан Республикасы Ауыл шаруашылығы министрлігінің Жер ресурстарын басқару комитеті туралы» ережеде (...): 15-тармақ 84-16), 84-17), 84-18) және 84-19) тармақшалармен толықтырылсын» деп жазылған Ауыл шаруашылығы министрлігінің бұйрығында.

Атап айтқанда, комитетөзіне тиесілі міндеттерден басқа:

• 84-16) өз құзыреті шегінде климаттың өзгеруіне осалдықты бағалауды жүргізеді;

• 84-17) өз құзыреті шегінде климаттың өзгеруіне бейімделу жөніндегі басымдықтар мен шараларды айқындайды;

• 84-18) өз құзыреті шегінде климаттың өзгеруіне бейімделу жөніндегі іс-шараларды жүзеге асырады;

• 84-19) өз құзыреті шегінде айқындалған климаттың өзгеруіне бейімделу жөніндегі іс-шаралардың тиімділігін бақылайды/бағалайды және мониторинг пен бағалау нәтижелері бойынша осы шараларды түзетеді.

Бұйрық қазірдің өзінде күшіне енді.

Жаңалықтар

барлық жаңалықтар