Еліміздегі жағдай тұрақталғанша биржалық сауда-саттық тоқтатылды

Бағасының көтерілуіне байланысты Маңғыстау облысында митингілер басталған сұйылтылған газ да биржалық тауар ретінде танылды. Яғни, Бәсекелестікті қорғау және дамыту агенттігі одан әрі сұйылтылған газ саудасын тікелей бақылап отырады.

 «Мемлекет басшысының тікелей тапсырмасымен биржалық сауданы жағдай тұрақталғанға дейін уақытша шегеруге шешім қабылданды. Келесі жылы сауда-саттықты қалпына келтіруге дайындық мақсатында агенттіктің сауданы бақылаудың оң тәжірибесін ескере отырып, сұйытылған газ саудасының секциялық биржалық ережелері әзірленетін болады», -деп жазды ҚР Қорғаныс және даму агенттігінің төрағасы Серік Жұманғарин Facebook желісінде.

Еске салсақ, 2 қаңтарда Маңғыстау облысында наразылық толқыны басталып, кейін ол басқа аймақтарға да тараған болатын. Алғашында ереуілшілер сұйылтылған газ бағасын 50 теңгеге дейін төмендетуді талап етті.

Билік оларға жеңілдік жасаған соң, шерушілер режимді өзгертуді және үкіметтің отставкаға кетуін талап етті.