Еліміздегі су тасқыны жағдайы: 36 мыңнан астам адам үйлеріне оралды

Төтенше жағдайлар министрлігі еліміздегі су тасқыны жағдайы туралы жедел ақпарат берді, деп хабарлайды Orda.kz.

Орталық коммуникациялар қызметінде өткен брифингте Төтенше жағдайлар министрлігінің өкілі Асқар Шәріптің мәлімдеуінше, азаматтық қорғау қызметтері Батыс Қазақстан және Солтүстік Қазақстан, Атырау, Ақтөбе облыстарында су тасқынына қарсы іс-шаралар, су тасқынының зардаптарын жою және халыққа көмек көрсету бойынша жұмыстарды жалғастыруда. 

Батыс Қазақстан облысында жағдай тұрақталып келеді. Су басқан саяжайларға мониторинг жүргізілуде. Төтенше жағдайлар департаменті мен полиция қызметкерлері су басқан аумақтарды бірлесіп патрульдеуде.

«Атырау облысында су деңгейіне мониторинг жүргізу жалғасуда. Бүгінгі таңда Атырау қаласында су тасқынынан қорғау мақсатында 498 шақырым бөгеттерді нығайту жұмыстары үздіксіз жүргізілуде», - деді Асқар Шәріп. 

Солтүстік Қазақстан, Атырау және Ақтөбе облыстарында 6148 тұрғын үй мен 2794 аула аумақтарынан су шығарылды.

Су тасқыны басталғаннан бері 119 220 адам құтқарылды және эвакуацияланды, оның 44 776-сы балалар. Республика бойынша 36 745 адам тұрғылыұты жерлеріне оралды. 6909 адам эвакуациялау пункттерінде.

Авариялық-құтқару және су тасқынына қарсы жұмыстарға 27 мыңнан астам адам жұмылдырылған.