Еліміздегі республикалық маңызы бар жолдар жабылды

9 қарашада елімізде республикалық маңызы бар бірнеше тас жол бірден жабылды. Оған ауа райының қолайсыздығы себеп болды, деп хабарлайды Orda.kz «ҚазАвтоЖолға» сілтеме жасап.

9 қараша күні сағат 19:00-де келесі жолдар жабылды:

• Солтүстік Қазақстан облысында Көкшетау – Рузаевка тас жолының учаскесінде (Ақмола облысы шекарасынан Рузаевка ауылына дейін) – көліктің барлық түрлеріне;

• Солтүстік Қазақстан облысында «Қарасай батыр мемориалдық кешеніне кіру» жол учаскесінде (Солтүстік Қазақстан облысы шекарасында) - көліктің барлық түрлеріне;

• Солтүстік Қазақстан облысында Жезқазған – Петропавл тас жолы учаскесінде (Ақмола облысы шекарасынан Жаңа Есіл ауылына дейін) – көліктің барлық түрлеріне;

• Солтүстік Қазақстан облысында Екатеренбург – Алматы тас жолы учаскесінде (Ақмола облысы шекарасынан Қостанай облысы шекарасына дейін) – көліктің барлық түрлеріне;

• Қостанай облысында Екатеринбург – Алматы тас жолы учаскесінде (Сарыкөл ауылынан Солтүстік Қазақстан облысы шекарасына дейін) – көліктің барлық түрлеріне;

• сағат 20:00-де Ұлытау ауданында Жезқазған – Петропавл тас жолы учаскесінде (Ұлытау облысы шекарасынан Қостанай облысы шекарасына дейін) – көліктің барлық түрлері үшін.

Сондай-ақ Ақмола облысында ауа райының қолайсыздығына байланысты келесі жолдарда көліктің барлық түрлеріне қозғалысқа шектеулер енгізілді:

• Қостанай – Әулиекөл – Сұрған, Қостанай облысы шекарасы учаскесі – Сұрған ауылы;

• Жезқазған – Петропавл, Қостанай облысы СҚО шекарасы учаскесі;

• Жақсы – Есіл – Бұзулық, Жақсы учаскесі – Бұзулық ауылы;

Аатлаған жолдар шамамен 10 қараша күні сағат 9:00-де ашылады.