Еліміздегі хостелдер қанша табады?

Қазақстандық хостелдер қаңтар-қыркүйек айларында 1,2 млрд теңге табыс тапты, деп хабарлайды Orda.kz.

Мұндай мекемелердің кірісі өткен жылмен салыстырғанда 1,8 есеге өскен.

Бір жыл ішінде еліміздегі хостелдер саны 36,5 пайызға өсіп, 131-ге жетті. Бұл ретте олар 106,9 мың келушіге қызмет көрсеткен, бұл өткен жылдың тоғыз айымен салыстырғанда 54 пайызға артық.

Өтткізілген нөмірлер саны 79,2 мыңнан 110 мыңға дейін өсті. Ал бір реттік сиымдылық 5,3 мыңға (39,9%-ға) дейін өскен.

Осыған дейін Orda.kz Алматыдағы Әди Шәріпов көшесіндегі үйлердің бірінде 30 қараша күні таңертең  болған ірі өрт туралы жазған болатын. Жатақханадағы 72 қонақтың 59-ы өрт сөндірушілер келгенге дейін өздігінен эвакуацияланды. Өрт 13 адамның өмірін қиды.

Кейін белгілі болғандай, жалға алушы жертөлені рұқсатсыз жатақханаға айналдырған.