Еліміздегі ғылыми-зерттеу жұмыстарына 261,4 млрд теңге жұмсалды

Ғылыми-зерттеу және тәжірибелік-конструкторлық жұмыстарға (ҒЗТКЖ) жұмсалған шығындар 19% өсіп, 2025 жылы 261,4 млрд теңге болды, деп хабарлайды Orda.kz.       

Бір жыл бұрын ҒЗТКЖ шығындарының көлемі 219,6 млрд теңге болған.

2025 жылы ҒЗТК жұмыстарына жұмсалған шығындардың басым бөлігі  Алматы (113,2 млрд теңге) және Астана қаласында (51,4 млрд теңге) болды. Сондай-ақ айтарлықтай көрсеткіш Маңғыстау (17,1 млрд теңге), Қарағанды  (13,2 млрд теңге) және Шығыс Қазақстан облыстарында (12,1 млрд теңге) байқалды.

Ғылым салалары бөлінісінде ҒЗТКЖ-ға жұмсалған ішкі шығындардың ең жоғары үлесі инженерлік әзірлемелер мен технологияларға тиесілі болды – 86,3 млрд теңге, жаратылыстану ғылымдарына – 85,2 млрд теңге және ауыл шаруашылығы ғылымдарына – 30,9 млрд теңге.

2025 жылы ҒЗТК жұмыстарын жүргізген қызметкерлер саны ғылыми дәрежелері бойынша 28,3 мың адамд болып, 2024 жылмен салыстырғанда 4,5%-ға артқан. Олардың 55,4% – әйелдер.

2025 жылы ҒЗТК жұмыстарын 434 кәсіпорын жүргізген.

Еске салсақ, Астанадағы саммитте  Тоқаев 2026 жылды «білім мен зерттеулер жылы» деп жариялауды ұсынған болатын. Президенттің айтуынша, технологиясы дамыған болашаққа апарар жол білікті кадрлар дайындауға тікелей байланысты. 

Оқи отырыңыз:

• Биыл жас ғалымдарға 200 пәтер беріледі - Тоқаев
• Ғалымдарымызды Қазақстанға қайтару маңызды — Тоқаев
• Тоқаев ғылыми кеңес отырысында атом энергетикасын дамыту мәселесін қарауды тапсырды