Еліміздегі ең бай бизнесмендердің бірі ірі зауытқа иелік етпейтін болды

Дінмұхамет Ыдырысов «Ortabasy Group» компаниясы арқылы өзі басқарған «Ақтөбе мұнай жабдықтары зауыты» АҚ-ын бақылауды тоқтатты, деп хабарлайды Orda.kz.

30 желтоқсанда Қазақстан қор биржасы (KASE) сайтында жарияланған құжатта акционер ретінде «KazMetalInvest» ЖШС жалғыз құрылтайшысы және директоры Айдар Аманжолов көрсетілген. Қазір бұл компания зауыттың дауыс беретін акцияларының басым бөлігін бақылайды.

30 желтоқсанда жарияланған шешімде компания акционерлеріне төленетін дивидендтер мөлшері де белгіленген – 890,6 млн теңге (салыстыру үшін 2024 жылдың 1 қазанындағы жағдай бойынша оның таза пайдасы 980,6 млн теңге болды).

Бұған дейін компанияны Қазақстандық Forbes рейтингінде 17-орында тұрған Дінмұхамет Ыдырысов басқарған. «Ordabasy Group» компаниясынан басқа акционерлік қоғамның құрылтайшылары қатарында оның зайыбы Магда Ыдырысова, сондай-ақ Ләззат Бидашева мен Оңғарбек Болысбеков бар.

Қазір Ақтөбе мұнай жабдықтары зауытының негізгі үлесі «KazMetalInvest» арқылы Айдар Аманжоловқа тиесілі, ал құрылтайшы компанияның тұрғанына бір жылдан аз уақыт болды (сәуір айында тіркеліп, небәрі 18,5 мың теңге салық төледі).

Дінмұхамет Ыдырысов пен оның отбасы мүшелері Қазақстандағы бірқатар коммуналдық кәсіпорындарды бақылайтыны туралы бір жыл бұрын Orda.kz егжей-тегжейлі жазған болатын.