Елімізде жыл басынан бері 200 млн кибершабуыл тіркелді

Бұл туралы Орталық коммуникациялар қызметіндегі брифингте Ақпараттық қауіпсіздік комитетінің төрағасы Руслан Әбдіқалықов мәлімдеді.

Оның айтуынша, коронавирус пандемиясы және қашықтағы жұмыс форматына көшу кезінде цифрлық инфрақұрылымға жүктеме күрт өсті. Бұл үшін қазақстандық жүйелер дайын болмады, нәтижесінде кейбір мемлекеттік интернет-ресурстарға қол жеткізу проблемалары туындады.

Еске салсақ, 6 желтоқсаннан бастап Цифрлық даму, инновация және аэроғарыш өнеркәсібі министрлігі ҰҚК-мен бірлесіп «Нұр-Сұлтан-2020» киберқауіпсіздік жаттығуын өткізген.