Елімізде жәрдемақы, зейнетақы мен айыппұл мөлшері қашан өсетіні белгілі болды

Келесі жылдан бастап жәрдемақы, зейнетақы мен айыппұл мөлшері өседі, деп хабарлайды Orda.kz. 

Себебі 2025 жылдың 1 қаңтарынан бастап айлық есептік көрсеткіш көлемі 3900 теңге болады. Бүгінде айлық есептік көрсеткіш көлемі 3600 теңге.

Айлық есептік көрсеткіштің өсетіні туралы 3 жылға арналған республикалық бюджет туралы заң жобасында жазылған. Яғни айлық есептік көрсеткіш көтерілсе, жәрдемақы мен айыппұлдардың мөлшері де артады деген сөз. 

Мысалы мүгедектігі барлар мен асыраушысынан айырылғандарға және жұмыссыздарға төленетін ақы 6,5 пайызға көтеріледі. Ал зейнетақы көлемі 8,5 процентке артпақ.