Елімізде шағын несие беру шарттары қатайтылды

Қазақстанда шағын несие беру шарттары қатайтылды, деп хабарлайды Orda.kz.       

«Онлайн шағын несие алуға өтініш берген кезде 2025 жылдың 1 қаңтарынан бастап биометриялық сәйкестендіруді де, электрондық цифрлық қолтаңбаны да (ЭЦҚ) міндетті түрде бір мезгілде қолдану енгізіледі. Сондай-ақ, микроқаржы ұйымдары  үшін ақша аудармас бұрын клиент өзінің банктік шотының немесе төлем картасының сәйкестілігін анықтауы керек», - деді  Ұлттық банк төрағасы Тимур Сүлейменов. 

Алаяқтық схемаларды пайдалануды және үшінші тұлғаларға несие беруді шектеуге бағытталған шаралар ішінде:

- биометрикасыз несие беруге тыйым салу;

- банктен клиентке алаяқтықтың ықтимал тәуекелі туралы хабарлама жіберу;

- несие алудан ерікті бас тарту, банктер мен микроқаржы ұйымдарының несиелік өтінімдер бойынша ақпаратты несиелік бюроға беру міндеті.

Сонымен қатар, онлайн-несие алуға өтініш берген кезде банктерге өтінішті бере сала емес, келесі күні мақұлдау ұсынылады, осылайша клиент алаяқтар берген несиеден бас тарта алатын «ойлану» кезеңі енгізіледі.

Orda.kz бұған дейін қазақстандықтардың шағын несие бойынша  1,1 триллион теңгеден астам несие берешегі бар екенін жазған болатын.