Елімізде пәтер бағасы небәрі 3 жыл ішінде 40 пайызға көтерілді

3 жылда пәтер бағасы екінші нарықта шамамен 40 пайызға өсті. 2021-2024 аралығында  Krisha.kz сарапшылары осындай мәлімдеме жасады, деп хабарлайды Orda.kz.

Зейнетақы қорынан ақша алуға рұқсат беру, қымбатшылыққа сұраныстың артуы, доллардың өсуі және құрылыс материалдарының қымбаттауы мен 2022 жылы құрылыс қарқынының бәсеңдеуі баға өсуіне әкелді.

Еске салайық, 2021 жылы үкімет зейнетақы қорынан артық ақшаны алуға рұқсат берген болатын. Салдары пәтер бағасының қымбаттауына алып келді. Бір жылдың ішінде ҚР азаматтары 2,5 триллион теңге шешіп алған. Тұрғын үйге қатысты мәміле саны алдыңғы жылға қарағанда екі есе өсті. Екінші нарықтағы пәтер құны 27 пайызға өссе, жаңадан салынған үйлер 40 пайызға дейін жеткен.

2022 жылы билік қордан алуға болатын соманы 70 пайызға арттырғандықтан, үй іздестіретін халық қарасы азайды. Алайда құрылыс материалдары мен жұмыс ақысы көтеріліп,  баспана бағасы шарықтай берді. Бір жылда мүлік иелері  сатқан пәтерлердің құны 10 пайызға артты.

2023 жылы нарық тұрақталды. І тоқсанда сәл ғана көтерілгені болмаса, жаз аяғында қайта түсті. Ал күзде мүлде тоқтап қалды. Қыста да еш өзгеріс байқалмады. 2023 жылы 1,1 пайызға ғана ауытқыған.