Елімізде енді «ҚР Конституциясына 30 жыл» мерейтойлық медалі берілетін болады

Мемлекет басшысының Жарлығымен енді ресми түрде «Қазақстан Республикасының Конституциясына 30 жыл» мерейтойлық медалі берілетін болады, деп хабарлайды Orda.kz. 

Бұл медальмен Қазақстан Республикасы Конституциясының үстемдігін қамтамасыз етуге, ел тәуелсіздігін нығайтуға, қоғамда келісім мен тұрақтылықты сақтауға, азаматтардың конституциялық құқығын және еркіндігін қорғауға, конституционализм идеяларын, сондай-ақ қағидаттарын қалыптастыруға әрі дамытуға ерекше үлес қосқан тұлғалар наградталады.

Сонымен қатар, бұл мерейтойлық медаль жұмысшы мамандарға, бюджет саласы мен өндіріс ұйымдарының өкілдеріне және басқа да азаматтарға беріледі.

Айта кетейік, бүгін, 29 тамыз күні, Қасым-Жомарт Тоқаев Конституцияның 30 жылдығына арналған ғылыми-тәжірибелік конференцияда Назарбаев пен Қаңтар туралы сөз қозғады.