Елімізде дәрі-дәрмек бағасы тағы да өсті

Қазақстанда дәрі-дәрмек қымбаттады. Бұған Қазақстанға импортпен шетелден келетін фармацевтикалық препараттар бағасының екі есеге көтерілгені себеп болып отыр.

Бұл туралы  Orda.kz   хабарлады  

Биыл тамыздағы қорытындыға сай, дәрі-дәрмектің бағасы тағы да көтерілді. Energyprom-ның зерттеу қорытындысына сай, дәрі-дәрмек айына 0,3 пайызға, ал жыл ішінде 3,3 пайызға қымбаттаған.

Аурудың түрі көбейген сайын дәрінің де түрлері  күн сайын еселеп артып жатыр. Көбіне дәрі –дәрмек Қытай, Ресей, Үндістан, Германия, Түркия елдерінен жеткізіледі.  

Әсіресе Маңғыстау, Ақмола облыстары мен Нұр-Сұлтан қаласында фармацевтикалық өнім 10 пайызға көтеріліп кеткен. Қостанай, Жамбыл және Павлодар облыстарында әзірге баға тұрақты.

Мысалы  іш ауруын емдейтін дәрінің 1600 теңгеге, бауыр ауруларына қарсы 2900 теңгеге, асқазан-ішек жолдары ауруларына қарсы 2700 теңгеге, мұрын және ауыз-қуысының ауруларын жазатын препарат 2000 теңгеге дейін шарықтап кеткен.

Сарапшылар дәйегіне сүйенсек, бар болғаны жарты жыл ішінде  елімізге сырттан 615,8 миллион доллор тұратын  12 мың тоннадан астам дәрі-дәрімек жеткізілген.