Елімізде буллингпен күресу үшін чаттарға анонимді қолжетімділік сынақтан өтуде

Қазақстандағы мектеп оқушыларының психикалық денсаулығы мен жасөспірімдер арасындағы буллингке қарсы тұру мәселелерін шешу үшін ЮНИСЕФ балалар қорымен бірлесіп қазіргі уақытта Ussuport бағдарламасы (цифрлық бағдарлама) сынақтан өтуде.

Оның ерекшелігі чаттардағы бейне/аудиоға анонимді қол жеткізу мүмкіндігі болады. Бұл туралы Дүниежүзілік денсаулық сақтау ұйымының жаһандық форумында сөйлеген сөзінде ҚР Денсаулық сақтау министрлігінің Ана мен бала денсаулығын қорғау департаментінің директоры Мағрипа Ембергенова мәлімдеді, деп хабарлайды ҚР Денсаулық сақтау министрлігінің баспасөз қызметі. 

Ол өз сөзінде жасөспірімдік кезең адам өміріндегі маңызды эмоционалдық тұрақсыздықпен сипатталатын ең маңызды кезеңдердің бірі екенін атап өтті.

Отбасынан психологиялық алшақтау, өз тәуелсіздігі мен даралығын көрсетуге талпыныспен ата-аналық стандарттарды жалпы қабылдамау, пікірі басымдыққа ие болатын құрбыларымен топтасу қажеттілігін орындау, жасөспірімнің эмоционалды күйзелісі, ата-аналардың өзара түсініспеушілігі және теріс реакциясы жанжалға алып келеді және оларды күшейтеді

Буллинг және басқа жағдайлар сияқты қауіп факторлары психикалық және физикалық денсаулыққа елеулі әсер етуі мүмкін. Анорексия және семіздік сияқты жағдайлар барған сайын кең таралуда.

Психикалық денсаулық проблемалары ойлауға, оқуға және әлеуметтік қарым-қатынасқа кедергі келтіруі мүмкін. Жеке тұлғаның шешілмеген мәселелері, ашушаңдық немесе депрессия, эмоционалдық жақындықтың болмауы, ата-аналар мен мұғалімдердің сенімі мен қолдауы зорлық-зомбылыққа немесе суицидке әкелуі мүмкін.

Сөз барысында атап өтілгендей, ЮНИСЕФ балалар қорымен бірлесіп қазіргі уақытта Ussuport бағдарламасы (цифрлық бағдарлама) сынақтан өтуде. Оның ерекшелігі қызмет провайдерлерімен бейне/аудио чатқа анонимді қол жеткізу мүмкіндігінде.  Басты назарда жасөспірімдердің психикалық денсаулығының және психоәлеуметтік проблемаларының жиі кездесетін және кең таралған мәселелері. Ussuport бағдарламасы электронды психикалық денсаулық қызметтері саласындағы жаһандық сарапшылардың озық тәжірибесі негізінде әзірленген.