Елімізде бір күнде Covid салдарынан 17 өлім тіркелді

Кеше, яғни 30 қаңтар күні Қазақстанда коронавирустан тағы 17 адамның қайтыс болғаны анықталды.

ПТР тестімен 14 науқастың диагнозы анықталып, оң нәтиже расталды. Қалған үшеуі коронавирус пневмониясына шалдыққан науқастар.

Ресми статистика мәліметінше, індет басталғалы ПТР тестімен расталған науқастар ішінен 2549 адам қайтыс болған. Бұл көрсеткішке вирус жұқтырғаны расталған, бірақ «ілеспе аурудан қайтыс болды» деген жүздеген адам кірмеген.

Қазақстан үкіметі коронавирус пневмониясы есебін 1 тамыздан бастап қана жүргізе бастады. Сондықтан ел бойынша толық мәлімет жоқ деуге де болады. Белгілісі бүгінге дейін пневмонияның бұл түрімен 47 858 адам ауырып, оның 569-ы көз жұмды.