Елімізде алғашқы ұлттық мектеп ашылатын болды

Алматыда алғашқы ұлттық мектеп ашылады, деп хабарлайды Orda.kz. 

Ұлттық мектепті ашу мемлекет басшысының тапсырмасымен қолға алынды. Алматыда «ABAI ULTTYG MEKTEBI» алғашқы  ұлттық мектебінің құрылысы қараша айында басталды. Жаңа білім ошағы Абай философиясына, оның ішінде  «бес асыл іс» идеясына негізделеді. 

Мектепте қазақ тілі мен әдебиеті пәні тереңдетіп оқытылады. Ол үшін Алматыдағы Абай атындағы мектеп-интернатының әлеуеті толықтай қолданылады. 

Мектептің инфрақұрылымында мектеп-пансион, мұғалімдер үйі, кітапхана, спорт кешені, жылыжай аумақтары және тағы басқа құрылыс нысандары қарастырылған. Жаңа ғимарат нысаны 900 оқушыға арналған. Мектеп 2026 жылы қолданысқа беріледі.