Еліміз мәнерлеп сырғанаудан әлемдік рейтингтің көш басында

Қазақстандық мәнерлеп сырғанаушы Михаил Шайдоров Төрт құрлық чемпионатында жеңіске жеткеннен кейін ISU маусымдық рейтингінің көшбасшысы атанды, деп хабарлайды Orda.kz.

Қазақстандық 20 жастағы мәнерлеп сырғанаушы рейтингтің жаңа нұсқасында 2025 ұпай жинаса, қазір итальяндық Даниэль Грассиден 161 ұпайға озып кетті.

Бұл рейтинг 2024/2025 маусымындағы үздік көрсеткіштерге негізделген. Бұл ретте алдағы Олимпиада ойындарының басты фавориті америкалық Илья Малинин негізгі әлемдік рейтингтің көшбасшысы болып қала береді. Рейтингтің бұл нұсқасында Шайдоров 4-орында.

Михаил Шайдоров Денис Теннің жетістігін қайталап, 22 ақпанда Сеулде (Оңтүстік Корея) өткен төрт құрлық чемпионатында 285,1 ұпай жинап, жеңімпаз атанды. Шайдоровқа дейін қазақстандықтардың ішінде бұл турнирде Сочидегі Олимпиада ойындарының қола жүлдегері атанғанДенис Тен ғана жеңіске жеткен болатын.

2022 жылы жасөспірімдер арасындағы әлем чемпионатында еліміздің тұңғыш күмісін жеңіп алған Михаил Шайдоров қазақтың мәнерлеп сырғанау тарихында ойып тұрып орын алды. Сондай-ақ спортшының Қазақстан чемпионатындағы екі жеңісі, әлемдік Гран-при кезеңіндегі жүлделері және Астанадағы соңғы Денис Тен мемориалындағы жеңісі де бар.

2024 жылы ол әлемдік Гран-при финалында бақ сынаған алғашқы қазақстандық ретінде есте қалды.