Еліміз бойынша Отан қорғаушылар күнгі шаралар

Отан қорғаушылар күніне орай республика бойынша бірнеше мерекелік шаралар өтті.

Бүгін, 7 мамыр, Қазақстанда Отан қорғаушылар күні атап өтілуде. Orda.kz. тілшісі Жетісу облысы Көксу ауданындағы техникалар көрмесін тамашалады. Онда тіпті жергілікті тұрғындар үшін тегін ас ұйымдастырылды.

Қонақтар әртүрлі әскери техникаларды, жедел жәрдем көліктерін, төтенше жағдайлар кезінде қалай әрекет ету керектігін өз көздерімен тамашалады.

Жиналғандардың әрқайсысына ауыр артиллерияларды тамашалап, естелік суретке түсуге рұқсат етілді. Салтанатты шарадан кейін барлығына жаңа піскен бауырсақ, ыстық шай және дәмді палау ұсынылды.

Шымкентте, алаңда Мәдениет үйінің өнерпаздары, әскерилер мен мектеп оқушылары патриоттық әндер шырқады. Otyrar басылымының  жазуынша, жиналғандарға әскери техникадан бөлек, сарбаздардың әскери жаттығулары да көрсетілді. Халық алдына шыққан әскерилер стратегиялық шабуылдардан үзінді көрсетті.

Осыған ұқсас түрлі шаралар еліміздің түкпір-түкпірінде өтті. Бірақ желіде астаналық видео тарады. Ол жерде жүк көлігінің жүргізушісі барлық көліктер кептелісте тұрғанда, сарбаздар мінген көлікке жақындап, олар отырған көлікке балмұздақ лақтырған,  деп хабарлайды Патриот сайты.

Айта кетейік, 9 мамырда шерулер ресми түрде тоқтатылғанымен, кейбір қалаларда мерекелік шаралар өтеді.

Мәселен, Қостанайда қазірдің өзінде бірнеше жолды бірден жабу жоспарланған. Онда «Жеңіс сарбаздары – Солдаты Победы» аталған колонна  Мәңгілік алауға дейін жүріп өтеді, деп хабарлайды «Наша газета». Сонымен қатар жоспар бойынша дәстүрлі жеңіл атлетикадан «Естелік» жартылай марафоны өтпек.