«Елім-ай» ФК үш легионермен келіссөз жүргізіп жатыр

«Елім-ай» ФК үш легионермен келіссөздер жүргізіп жатыр, деп хабарлады қайта жанданған семейлік клубтың бас бапкері Самат Смақов.

— Иә, әрине, легионерлер болады, позиция алыс шетелден тек үш легионер болуын міндеттейді. Бүгінге дейін алматылық оқу-жаттығу жиынына екі адам міндетті түрде келеді, үшінші ойыншының растауын күтіп отырмыз. Олар алыс шетелден келеді, - деді Смақов сенбі күні журналистермен кездесуде.

Сонымен бірге, бапкер іріктеуде әлі де болса семейлік ойыншыларға баса назар аударылатынын атап өтті.

— Қазақстанның түкпір-түкпірінен барлық жігіттер бізге келуге сұранып жатыр, олардың кейбірін көрдік. Біз мүмкіндігінше қазақстандықтардың клубта ойнауын қамтамасыз етуге тырысамыз, біз әлі де семейлік жігіттерге жіті  назар аударамыз. Тырысамыз, ізденеміз, білім береміз. Ал жастар өсіп, білім алып, ілгерілеу үшін командаға екі-үш  үлкен тәжірибелі легионерлер қажет, - деді клубтың бас бапкері.

Сондай-ақ, «Елім-ай» клубының өкілдері қазір қалада жаңа футбол стадионын салу немесе ескісін жөндеу мақсатында инвесторлармен келіссөздер жүргізіп жатқандарын айтты.

Естеріңізге сала кетейік, бұған дейін жанкүйерлер жанданған «Елім-ай» ФК логотибін таңдаған болатын. Клуб құлдырау кезеңіне қарамастан, Қазақстан Жоғарғы лигасының үш дүркін чемпионы мәртебесіне ие, елдегі ең құрметті футбол командаларының бірі болып қала береді. Бұл ретте клубтың кубок залында 1963 жылғы Қазақ КСР чемпионының кубогы, 1983 жылғы Қазақ КСР кубогы және Стокерау-97 (Германия) кубогы бар.

14 қазанда көрнекті қазақстандық футболшы Самат Смақов футбол клубының бас бапкері болды.