Елена Рыбакина Уимблдон жүлдесінің бір бөлігін қайда жұмсайтынын айтты

Спортшы Елена Рыбакина ақшаның бір бөлігін жасөспірімдерді қолдауға, екінші бөлігін жануарлар үйіне жұмсауға ниетті.

«Біріншіден, мен жасөспірімдерге көмектескім келеді, көп бөлігін сонда бөлемін. Екіншіден, мен ақшаны жануарлар үйіне бөлгім келеді» деді Рыбакина Нұр-Сұлтандағы баспасөз мәслихатында.

Шара кезінде Рыбакинаға күшік сыйға тартылды.

Спортшы турнирге дайындық туралы да айтып өтті. Оның айтуынша, алғашқы ойындар жеңіл болған, бірақ финалда ол қобалжый бастаған.

«Матчтардың бәрі қиын болды, сондықтан осы қиын болды деп айта алмаймын. Эмоционалды түрде ең қиын матч – финал, өйткені мен соңғы екі күнде қатты қобалжыдым. Нашар ұйықтадым, басында бәрі тыныш еді. Бірақ финалда мен эмоцияларымның кесірінен өзімнің ең жақсы дайындығымды көрсете алмадым. Соған қарамастан, жақсы ойын көрсете алғаныма қуаныштымын» деп қосты спортшы.

Рыбакинаның айтуынша, финалдағы қарсыласы ерекше ойын көрсетіп, матч қиын болды. Енді чемпион америкалық турнирлерге дайындалады.

Сондай-ақ, баспасөз мәслихатында Рыбакина азаматтығына қатысты сұрақтарға жауап беріп, төлқұжатын көрсетті.

Еске салсақ, 9 шілдеде Елена Рыбакина Уимблдон финалында әлемнің екінші ракеткасы Тунис өкілі Онс Джабермен кездесті. Ол тарихи жеңіске қол жеткізіп, «Үлкен дулыға» турнирінде жеңіске жеткен қазақстандық тұңғыш теннисші атанды.

11 шілдеде спортшы Қазақстанға оралды.