Елена Рыбакина Римде өткен WTA 1000 чемпионы атанды

20 мамырда қазақстандық теннисші Елена Рыбакина кортқа шығып, әлемнің 47-ракеткасы Ангелина Калининамен кездесті. Қыздар бір толық сет ойнап, 6:4 есебімен Рыбакинаның пайдасына шешілді. Екінші сетте Калинина жарақатына байланысты турнирден шығып қалды.

Осылайша, Рыбакина финалда жеңіске жетіп, 5090 ұпай жинап, әлемнің төртінші ракеткасы атанды, деп хабарлайды Sports.kz.

Айта кетейік, турнир басталмай тұрып қазақстандық алтыншы орыннан көрінді. Қазіргі уақытта көшбасшы поляк теннисшісі Ига Святек – 8940 ұпай, екінші орында белорус Арина Соболенко – 7541 ұпай, үшінші орында америкалық Джессика Пегула – 5205 ұпай.

Бұл Елена Рыбакинаның 2023 жылғы екінші титулы екенін қосамыз: наурыз айында ол Индиан-Уэллстегі (АҚШ) турнирдің жеңімпазы атанды.

Айтпақшы, Римде өтіп жатқан турнирдің жартылай финалында латвиялық теннисші Елена Остапенко Елена Рыбакинаны балағаттады. Қазақстандықтар әлеуметтік желіде отандастарын жақтап, көптеген жазба қалдырды.