Елена Малышева кір арасындағы супербактериялар жайлы айтты

Дәрігер әрі тележүргізуші Елена Малышева супербактериялар бар екенін мәлімдеді, деп хабарлайды ORDA.

Кәдімгі кір жуғыш машиналарында болатын бактериялар қауіптілігі туралы айтқан дәрігер оған қарсы антибиотиктер дәрменсіз болады деп отыр.

«Сіздің кір жуғыш машинаңыз антибиотиктермен де кетіре алмайтын  супербактериялардың көбеюіне әкелуі мүмкін», - деп жазды Малышева Instagram парақшасында.

Малышеваның «Денсаулық» порталында жарияланған мақаласында, неміс мамандары бірінші болып дабыл қаққаны айтылған. Бонндағы ауруханада кішкентай балалар пневмония, менингит және зәр шығару жолдарының инфекциясын тудыратын Klebsiella oxytoca бактерияларын жұқтыра бастаған.

Антибиотиктерге төзімді бұл супербактериялар жаңа туған нәрестенің киімі жиналған кір жуғыш машинада көбейген. Ондағы су 60 градустан жоғары қызып көрмеген, сондықтан қоздырғыштар жууға төзімді болған. Малышева пәтердегі кез-келген тұрмыстық техника инфекцияның өсу ортасына  айналуы мүмкін екенін ескертеді. Оның айтуынша, үйде күтімге мұқтаж қарт адамдар болса, ашық жарақаттармен, инфекциялармен немесе зәр шығару катетерімен ауыратын науқастарға зиянды.

Малышева  супербактерияларды болдырмау туралы қарапайым кеңестер берді. Ең бастысы кір жуғышқа салған киімдерді  60 градустан жоғары температурада жуу керек. Сонымен қатар дезинфекциялаушы заттарды жиі қолданып,  қолданып болғаннан кейін құрылғыны шайып тұру қажет.

Тележүргізушінің айтуынша , Klebsiella oxytoca дымқыл сүлгілері бактериялардың  көбеюуіне қолайлы жағдай тудырады екен.