Елдос Қоспаев пен оның қылмыстық тобының тергеуі аяқталды

Елдос Қоспаев пен оның қылмыстық тобының мүшелері бойынша іс сотқа жолданғалы жатыр, деп хабарлайды Orda.kz порталы.

«Іс аяқталды. Қазір олар іспен танысып жатыр. Іспен танысып болғаннан кейін сотқа жолданады», – деді  қаржы мониторингі агенттігі төрағасының орынбасары Жеңіс Елемесов мәжіліс дәлізінде. 

Айта кетейік, былтыр Солтүстік Кипрден Қазақстанға Елдос Қоспаев және ол бастаған қылмыстық топтың 7 мүшесі жеткізілген еді. ҰҚК-ның мәліметінше, аталған адамдарды бұған дейін Қазақстан Республикасы қаржылық мониторингі агенттігі рейдерлік жасады, ұйымдасқан қылмыстық топты құрды және оған қатысты деген күдікпен халықаралық іздестіруге жариялаған болатын.