Елдің батысындағы 8 мұнай-газ кен орны аукционда сатылды

Энергетика министрлігі мұнай немесе газ табылуы мүмкін 9 учаскені аукционға шығарды, деп хабарлайды Orda.kz. 

9 учаскенің 8 кен орны сатылды. Оның алтауында барлау жұмыстары жүргізіледі. Аукционға шыққан кен орындарының басым бөлігі Маңғыстау облысында орналасқан. Ал Атырау мен Маңғыстау облыстарында орналасқан Азнағұл учаскесі сатылмай қалды.

Мұнай мен газ өндіруге бірден лицензия берілген екі учаске болды. Бірі Zhyldyz GR компаниясына сатылған Атырау облысындағы Солтүстік Корморантия кен орны. Екіншісі – Ақтөбе облысындағы Шұбарқұдық. Оны «АртНик Ойл» сатып алды.