Елде 42 жаңа су қоймасы салынады

Су ресурстары және ирригация вице-министрі Нұрлан Алдамжаров ОКҚ өткен брифингте ведомствоның атқарған ісі мен алдағы жоспарын айтты, деп хабарлайды Orda.kz. 

Вице-министр берген мәліметтерге сәйкес, бір жылдың ішінде негізгі 2 құжат әзірленген. Біріншісі, 2030 жылға дейін су ресурстарын басқаруды дамытудың тұжырымдамасы бекітілді. Онда жалпы 160 жуық іс-шара қарастырылған, оның ішінде, 42 жаңа су қоймасын салу, 37 су қоймасын қалпына келтіру жоспарланған. Бұл 2 млрд текше м суды жинауға мүмкіндік береді. Сондай-ақ 14,5 мыңнан астам шақырым ирригациялық жүйелер қалпына келтіріледі. 

Екіншісі – жаңа Су кодексі. Құжат қазір мәжілістің қарауында және жыл соңына дейін қабылданбақ. Сонымен қатар вице-министр иесіз қалған су шаруашылық нысандары мемлекет меншігіне қабылданғанын айтты.