Елбасы рөлін сомдаған Нұрлан Әлімжанов Нұр-Сұлтан әкімдігіне жұмысқа алынды

Нұрлан Әлімжанов Нұр-Сұлтан әкімдігінің мәдениет бөлімінің бастығы болып тағайындалды. Ақпаратты елорда әкімдігінің баспасөз қызметінің жетекшісі Ақмарал Олжабаева растады, деп хабарлады Orda.kz.

2019 жылдың қыркүйегінен бастап Әлімжанов «Нұр Отан» партиясы тізімімен VI шақырылған Мәжіліс депутаты болып сайланды.

Нұрлан Әлімжанов театр және кино актері, композитор, орындаушы және тележүргізуші ретінде танымал. 1984 жылы 29 сәуірде Ақмола облысы Бурабай ауылында дүниеге келген. Жүргенов атындағы Өнер академиясының музыкалық драма факультетін 2005 жылы бітірген. Ол 2003-2008 жылдары Ғабит Мүсірепов атындағы Мемлекеттік академиялық театрда актер болып жұмыс істеген.

Нұрлан Әлімжанов «Менің балалық шағымның аспаны» (2011), «От өзені» (2013), «Теміртау» атты төрт фильмнен тұратын «Көшбасшы жолы» эпопеясындағы Елбасы Нұрсұлтан Назарбаевтың рөлін сомдаған.

Нұрсұлтан Назарбаев бұл фильмдердегі актердің жұмысын жоғары бағалады. 2013 жылы оған Қазақстанның еңбек сіңірген қайраткері атағы берілді.