Елбасының інісімен бірге Дубайға ұшқан Нұрсайын Назарбаевтың кім екені анықталды

Қырғызстан аумағына тұңғыш президенттің інісі – Болат Назарбаевпен бірге белгілі бір Нұрсайын Назарбаев кірді. Олар 6 қаңтарда Ақ жол шекара бекеті арқылы шекарадан өткен.

Orda.kz-ке ашық дереккөздерден Нұрсайын Назарбаевтың бұрын Есполов тегін қолданғаны туралы мәліметті анықтады. Оның атына бірнеше кәсіпорын тіркелген, олардың бірі - Таразда тұрғын үй құрылысымен айналысқан компания.  Ашық дереккөздерден көрініп тұрғандай, ол 2016 жылы кеңсесі Алматыда орналасқан «АНА - БГ 16» ЖШС-н Есполов деген атпен ашқан. Екі жылдан кейін компания Назарбаев деген жаңа тегіне қайта тіркелді.

Жұмбақ болған Нұрсайын Назарбаев-Есполов кім?

Ол 20 жылдан астам Қазақ ұлттық аграрлық университетінің ректоры қызметін атқарып, сонымен қатар Ұлттық Ғылым академиясының вице-президенті болған академик Тілектес Есполовтың немересі.

Оның үлкен ұлы Айдос Есполов Нұрсайын Назарбаевтың әкесі. Ол – экономика ғылымдарының докторы. Кезінде «ҚазМұнайГаз» ұлттық компаниясының корпоративтік даму департаментін басқарған, Атырау мұнай өңдеу зауытының коммерциялық директоры болып жұмыс істеген, ҚР парламенті сенаты аппараты басшысының көмекшісі болған.  Қазір ол жеке бизнеспен айналысады және мемлекеттік қызметте жоқ.

26 жастағы Нұрсайын мен 68 жастағы Болат Назарбаевтарды не байланыстырады?

Әсел Құрманбаева – Қазақстанның экс-президенті Нұрсұлтан Назарбаевтың бейресми әйелі. Ол анасының тегін алды. Құрманбаева – Нұрсайынның туған тәтесі және Айдос Есполовтың қарындасы.

Әсел Құрманбаева туралы не білеміз?

42 жастағы Әсел Құрманбаева 10 жыл бұрын құрылған «Астана Балет» театрын басқарады. Ол Нұрсұлтан Назарбаевтың бастамасымен құрылған. Бұрын ол Назарбаев қорына тиесілі болған, кейін мемлекет меншігіне өтті. Өткен жылы сыбайлас жемқорлық пен ұйымдасқан қылмысты зерттеу жөніндегі халықаралық орталық Әсел Құрманбаева Британдық Виргин аралдарында тіркелген коммерциялық емес офшорлық компанияны қазақстандық олигарх Владимир Кимге 30 миллион долларға сатпағаны туралы ақпарат жариялады.