Елбасынан сұхбат алған Нұрлан Қоянбаев өз сезімімен бөлісті

Әзілкеш Нұрлан Қоянбаев Елбасы Нұрсұлтан Назарбаевтан алған сұхбатын еске алып, өзінің сол кездегі сезімімен бөлісті.

Бұл туралы Orda.kz хабарлады.

Қоянбаев сұхбатқа еш дайындықсыз барған екен. Осылайша, ол Елбасымен 12 минут сөйлескен.

Өнер иесінің айтуынша, сұхбат кезінде аяқтары дірілдеген. Бұл туралы Қоянбаев Нартай Аралбайұлының бағдарламасында айтты.

Нұрлан Қоянбаев Елбасымен сұхбат жазу мүмкіндігі туралы білгенде шетелде жүрген жерінен ұшып келген екен.

– Мен «Түнгі студияға» үлкен жауапкершілікпен қарадым. Түсірілімдерімді өткіземін, сұхбаттарымды аламын. Кейін өз қызметімді орындаған соң, Тайландқа кино түсіруге кетемін. Сол кезде аяқ астынан президент бағдарламаға келеді деп айтты. Ол жерде менің кінәм жоқ. Ол аяқ асты келетін бағдарламаға, мен де өзім аяқ асты келемін ғой. Маған айтылды, мен екі-үш күнде келдім. Дәл сол сұхбаттың бірнеше сценариін бекітпей қойды, - деді жүргізуші.