Елбасы мен Тоқаев Қазақстан халқын бірлік күнімен құттықтады
Қазақстан Президенті Қасым-Жомарт Тоқаев пен Елбасы Нұрсұлтан Назарбаев жерлестерін Қазақстан халқының бірлігі күнімен құттықтады.
Бұл туралы Orda.kz Ақорда сайтына сілтеме жасап хабарлады.
Қасым-Жомарт Тоқаев
Құрметті отандастар!
Баршаңызды Қазақстан халқының бірлігі күнімен шын жүректен құттықтаймын!
Тұңғыш Президентіміз – Елбасы Нұрсұлтан Назарбаевтың бастамасымен белгіленген бұл мереке ғасырлар бойы қазақ жерінде берік орныққан достық пен ауызбіршілік, өзара құрмет пен сенім сияқты қастерлі құндылықтарға негізделген.
Тәуелсіздік кезеңінде негізі қаланған «әралуандығымыз – бірлікте» қағидаты Қазақстанның сан қырлы мәдениеті мен дәстүрін баға жетпес байлығымызға айналдырды. Ырыс-ынтымақ пен отаншылдық рух ұлттық кодымыздың ұйытқысы болып отыр.
Халқымыздың әділетті әрі дамыған мемлекет құрып, елімізді өркендету жолындағы мүддесі ортақ.
Біз қоғамдағы тұрақтылық пен келісімнің, өзара қолдау мен жасампаз еңбектің арқасында кез-келген қиындықты еңсеріп, көздеген мақсатымызға жетеміз.
Сіздерге зор денсаулық, бақ-береке тілеймін!
Әр шаңырақта татулық пен өзара түсіністік болсын!
Елбасы Нұрсұлтан Назарбаев
Қымбатты отандастар!
Сіздерді 1 мамыр – Қазақстан халқының бірлігі мерекесімен құттықтаймын!
Бұл күн баршамыз үшін татулық пен келісімнің, патриотизмнің символы болып саналады.
Тәуелсіздіктің отыз жылы ішінде еліміз қол жеткізген барлық жетістіктер – Отанымыздың тағдыры үшін ортақ жауапкершілік сезіне білген күллі қазақстандықтардың береке-бірлігінің көрінісі.
Көпұлтты халқымыздың мызғымас достығы Қазақстан мемлекеттілігінің басты тірегінің біріне айналды.
Біздің мақсатымыз – қажыр-қайратымыз бен ертеңгі күнге деген сенімнің бастауы болған ел бірлігін бұдан да әрі көздің қарашығындай қорғау.
Тек татулықтың арқасында ғана біз басымызға түскен сынақтардан сүрінбей өтеміз.
Қазақстан халқының ырысты ынтымағы әрдайым жаңа белестерді бағындыруға жол ашады деп кәміл сенемін.
Баршаңызға зор денсаулық пен бақ-береке тілеймін!
Жаңалықтар
- Президент вейп туралы заңға қол қойды
- Қазақстанның барлық әуежайларында жолаушылар бет-әлпет биометриясынан өтеді
- Ақтауда жаз бойы ыстық су өшіріледі
- Қазгидромет өрт маусымының басталатынын ескертті
- Бишімбаев ісін тергеуге ҚМДБ қосылды
- Су тасқыны кезінде суға кеткен көліктерге өтемақы төленеді
- Алматы көшелерінің бірінде екі айға көлік қозғалысы шектеледі
- Ақтауда бесінші қабаттан құлап кеткен қыз аман қалды
- Қазақстандағы орташа зейнетақы мөлшері аталды
- Қонаев қаласына жаңа әкім тағайындалды
- «Төртінші әйелі екенмін»: Мөлдір Әуелбекова жеке өмірі туралы шындықты айтты
- Әбіләзовтың компаниясына қатысы бар жер телімдері мемлекетке қайтарылды
- Айдын Бикебаев адвокаттарды қоғамдық талқылаудан аулақ болуға шақырды
- Түркістан облысында 2,2 миллиард теңгенің құрылымы ғайып болды
- Қазақстан Қырғызстанда электр станциясы мен ферроқорытпа зауытын салады
- Қазақстандық азамат 35 діни кітапты заңсыз әкелгені үшін айыппұл төледі
- Бишімбаев ісі: судьяға қорқыту салдарынан қылмыстық іс қозғалды
- Өзбекстан Қазақстан мұнайы импортын қысқартты
- Тоқаев пен Жапаров Қазақстан мен Қырғызстанның Жоғары мемлекетаралық кеңесі отырысына қатысты
- Атырау тұрғындары бөгет салу үшін аулаларын бұзуға рұқсат бермеді