Ел президенті Ақордада алғаш рет ауызашар берді

Президент ораза ұстағандарды Ақордаға Рамазан айының ауызашарына шақырды.

— Жақын арада Конституцияға өзгерістер енгізіледі. Бірақ, ең алдымен, азаматтардың санасын жаңарту керек, бұл оңай шаруа емес. Алда көп жұмыс бар, сондықтан бар күш-жігерімізді осыған бағыттау қажет. Ең алдымен біздің ойымыз таза және шынайы болуы керек, - деді Қасым-Жомарт Тоқаев.

Мемлекет басшысы ислам діні бейбітшілік пен гуманизм құндылықтарын насихаттайтынын атап өтті.

— Халқымыз ежелден бейбіт өмірді бәрінен де жоғары қойған. Біз бұл келісімге берік боламыз. Ынтымақты, өзара түсіністікті сақтауымыз керек. Ислам діні адамдарды алауыздыққа емес, бірлікке шақырады. Имандылық - ең асыл қасиет. Сондықтан да, ұрпақ тәрбиесін көтеру. Жас ұрпақты дәстүрлі дінді ұстанатын құндылықтар рухында тәрбиелеу – біздің ортақ міндетіміз, – деді президент.

Шақырылғандардың қатарында жоғары лауазымды тұлғалар: Сенат төрағасы Мәулен Әшімбаев, Президенттің бұрынғы баспасөз хатшысы Берік Уәли және Президент Әкімшілігі Басшысының орынбасары Аида Балаева болды.

Соңында Қасым-Жомарт Тоқаев барша отандастарға бірлік пен береке тіледі.