Экс-вице-министр Тоқтабаевтың мүлкі тәркіленді

Бұрынғы Индустрия және инфрақұрылымдық даму вице-министрі Тимур Тоқтабаевтың ісі бойынша «Maybach», «Cadillac», «Bentley» маркалы сәнді көліктер мен элиталық үйлер тәркіленді, деп хабарлайды сыбайлас жемқорлыққа қарсы қызмет.

«7 қарашада өкілеттігін асыра пайдаланды деген күдікпен бұрынғы Индустрия және инфрақұрылымдық даму вице-министрі Т.С.Тоқтабаевқа тергеу анықталып, соттың санкциясымен оның қымбат тұратын жылжымалы және жылжымайтын мүлкі (элиталық жеке үйлер, жер телімдері, Cadillac Escalade, Mercedes-Benz Maybach S580 4 Matic, екі BMW X5 Xdrive40I, Bentley Bentayga V8) тәркіленді» деп хабарлады антикор.

Ведомствода атап өтілгендей, сыбайлас жемқорлыққа қарсы қызмет Бас прокуратурамен бірлескен пайдалы қазбалар кен орындарын берудің заңдылығын тексеру қорытындысы бойынша Индустрия және инфрақұрылым министрлігінің лауазымды тұлғаларына қатысты сотқа дейінгі тергеп-тексеруді бастады.

«Министрліктің лауазымды тұлғалары жеке кәсіпкерлік субъектілерінің мүддесін көздеп, барлауды сылтауратып, аукцион өткізбей, қатты пайдалы қазбалардың қоры анықталған кен орындарын заңсыз бергені анықталды» делінген хабарламада.

Атап өткендей, бұрын барлау фактісі құжаттарды бұрмалау арқылы әдейі жасырылған.

«Нәтижесінде шенеуніктермен үлестес кәсіпкерлер бәсекелестік, қолжетімділік және нарық субъектілерінің теңдігі қағидаттарын бұза отырып, жазылу бонусының ең төменгі құнына өндіріске дайын депозиттер алды. Депозиттерді сату бойынша аукциондар өтпегендіктен мемлекетке ондаған миллиард теңге түспеді» деп атап өтті антикор.

Еске салсақ, Т.С.Тоқтабаев 2019 жылдың желтоқсанында вице-министр қызметінен босатылған болатын.