Экс-министр Аймағамбетов: «мақтауды хайпқа айналдырмау керек»

Бұрынғы білім министрі Асхат Аймағамбетов мақтауға марқайып, хайп қуып кетпеу керек екендігін және ешқандай  кәсібі жоқтығы туралы айтты.

Журналист Нартай Аралбайұлына берген сұхбатында бұрынғы министр ешқандай компанияға иелік етпейтінін де жеткізді.

— Менің коттеджім, бизнесім жоқ. Білім саласында немесе басқа салада университеттер, колледждер және басқадай бизнесім жоқ. Күндіз-түні мемлекеттік қызметке беріліп - ұйықтап, соны ойлап - оянсаң, сонда ғана мемлекеттік қызметке бар. Жеке мүддені ойлайтын уақыт болмауы керек, - деді Аймағамбетов.

Бұрынғы білім министрі Асхат Аймағамбетов сұхбатында қазір отбасына уақыт бөліп, әлі жұмысқа тұрмағанына да тоқталды.

Айтпақшы, оның балалары бұл жағдайға қуанған, өйткені министрліктегі  жұмыс оларға үнемі көңіл бөлуге мұрша бермеген. Алайда көп ұзамай Аймағамбетов Қазақстан Республикасының жоғары оқу орындарының бірінде сабақ беруі мүмкін екендігімен де бөлісті.

— Түрлі жұмыс ұсыныстары бар. Мысалы, мен жоғары оқу орындарының біріне сабақ беруге келістім. Мен мұғаліммін, бұл сала маған әрқашан жағымды және жаныма жақын. Қалай болса да, ұстаздық жұмысты жалғастыруға мүмкіндігім болады, – дейді экс-министр.

Сондай-ақ, бұрынғы білім министрі Асхат Аймағамбетов өзінің адағы жоспарларымен де бөлісті.

Еске салайық, Асхат Аймағамбетов 4 қаңтарда Білім министрі қызметінен кеткен. Оның орнына Ғани Бейсембаев келді.