«Екіжүзділікті қойыңдар»: Украина Ресейдің Рождествода бітімге келу туралы үндеуіне түсініктеме берді

Украина президенті кеңсесінің кеңесшісі Михайл Подоляк Путиннің Украинада 36 сағатқа атысты тоқтату туралы бұйрығына түсініктеме берді.

«Ресей Федерациясы басып алған аумақтардан шығуы керек – сонда ғана «уақытша бітім» болады. Екіжүзділіктің қажеті жоқ»  деп жазды Подоляк Twitter-де.

Біраз уақыттан кейін ол Украина Ресей сияқты шетелдік аумақтарға шабуыл жасамайды, бейбіт тұрғындарды өлтірмейді  және тек өз аумағындағы  басқыншы армия  мүшелерін жояды деп қосты.

«Украинская правда» порталына берген мәлімдемесіне түсініктеме берген Подоляк бұл тек қана үгіт-насихаттық әрекет екенін айтты.

«Ресей қосымша жұмылдыруға, басып алынған аумақтарда ауқымды бекіністерді салуға және қайта топтастыруға уақыт ұту үшін кем дегенде шайқастардың қарқындылығын және өзінің логистикалық орталықтарына шабуылдарды уақытша төмендетуге барлық мүмкіндік жасауға тырысады. Мұны басқа әскери шешімдермен жүзеге асыру мүмкін емес. Сондықтан стандартты ақпараттық айлалар қолданылды» деп қосты ол.

Подоляктың пайымдауынша, Ресей «соғыстағы гуманистік көзқарастарды» көрсетіп, еуропалықтарды Украинаға қысым көрсетуге көндіргісі келеді. Атап айтқанда, Ресей Федерациясы осылайша «тез арада келіссөздер жүргізуге, ресейлік ультиматум қабылдауға, бөлінудің жаңа бағытына» ұмтылуда.

Подоляк сонымен қатар Ресейдің азаматтық нысандарға, соның ішінде діни рәсімдер өтетін жерлерге шабуыл жасайтынын және мұны дәл Рождество мерекелерінде істейтінін айтады:

«Сондықтан, тағы бір рет қайталаймын, Ресей Федерациясы басшылығының әдейі айла-шарғы жасау бастамаларына  ерудің қажеті жоқ».

Өз кезегінде Украина Ұлттық қауіпсіздік және қорғаныс кеңесінің хатшысы Алексей Данилов Украина Ресеймен Рождестволық бітімге келу туралы ешқандай келіссөз жүргізбейтінін айтты.

Еске салайық, Путин Украинада Рождество қарсаңында және Рождество мерекесі кезінде 36 сағатқа атысты тоқтату режимін енгізуді тапсырған болатын.