Екінші Республика: Тоқаев Ақордада кеңес өткізді

Мемлекет басшысы Қасым-Жомарт Тоқаев Конституцияға өзгерістер мен толықтырулар енгізу мәселелері бойынша кеңес өткізді.

Президент Конституцияға енгізілетін өзгерістер мен толықтырулар жобасына қоғамымызды байыпты саяси өзгертуге бағытталған барлық ұсынылған бастамаларды енгізудің маңыздылығын атап өтті.

— Мәні бойынша олар Қазақстанның мемлекеттік институттарды қалыптастыру мен өзара іс-қимылының сапалы жаңа моделіне көшуін, жаңа саяси мәдениеттің тамыр  жаюын білдіреді. Неғұрлым нақты және қысқаша түсіну үшін мен бұл модельді, бұл процесті Екінші Республика деп атадым. Жаңа парадигмаға сәйкес президенттің өкілеттігі қысқартылып, парламент пен мәслихаттардың рөлі айтарлықтай күшейтіліп, азаматтардың қатысуы айтарлықтай кеңейіп, адам құқықтары саласы жүйелі түрде нығаюда, - деді Тоқаев.

Соңында Мемлекет басшысы жұмыс тобы мүшелеріне қысқа мерзімде атқарылған ауқымды жұмыстар үшін алғысын білдірді.

— Бүгін мен Конституциялық Кеңеске Конституцияға өзгерістер мен толықтырулар енгізу туралы заң жобасын енгіземін. Бұл біздің Негізгі Заңымыздың талабы. Конституцияға енгізілген өзгерістер Тәуелсіз Қазақстан тарихының жаңа тарауын ашатынына сенімдімін. Бұл Жаңа Қазақстан құрылысының маңызды кезеңі, - деп түйіндеді сөзін президент

Тоқаев Қазақстан халқына жолдауында президенттің жақын туыстары квазимемлекеттік органдарда саяси, мемлекеттік және басшылық қызметтерді атқармайтынын айтқан болатын.