Екібастұздағы жылу электр орталығында тағы да апат болды

Екібастұздағы жылу электр орталығында кезекті апат болды. Мәліметтер бойынша, түнде күл құбырында зақым болған, деп хабарлайды Orda.kz.

«2023 жылғы 10 желтоқсанда сағат 01:10-да «Екібастұз» ЖЭО-да күл құбырының зақымданғаны анықталды. Құбыр сағат 05:30-да жөнделді. Бүліну салдарынан екінші ыстық су қазандығы цехының су сорғы станциясын су басқан. Ыстық резервте тұрған екі энергетикалық қазандық іске қосылды»  деп хабарланды EKIBASTUZTEPLOENERGO Instagram парақшасында.   

Серіктестік өкілдерінің айтуынша, қазір сорғы стансасынан су тартылып жатыр.

Жеңіл сорғы станциясын ауыстыру және кейіннен іске қосу үшін резервтік қозғалтқыш та дайындалды.

«Қазіргі таңда станцияда жеті қазандық жұмыс істейді (№ 5, 6, 7, 9, 11, 13, 14), оның ішінде су жылыту цехындағы үш қазандық уақытша мазутпен жұмыс істейді. Жеткізу температурасы 70 градус, гидравликалық қысым бекітілген режимде қамтамасыз етілген: жеткізу 9 кг және қайтаруда 1,5 кг»  деп хабарлады «ЕКІБАСТҰЗЖЫЛУЭНЕРГО».

Олар су басқан сорғы станциясын алдағы сағаттарда қайта іске қосуға уәде беріп отыр.