Екібастұздағы  11 үйге  әлі жылу жеткен жоқ

Билік жексенбінің соңына дейін, яғни бүгін кешке дейін барлық үйлерге жылуды қосуға уәде беріп отыр.

Қалада 500-ге жуық адам шұғыл қалпына келтіру жұмыстарын жалғастыруда. Төтенше жағдайды жою жөніндегі жедел штаб 4 желтоқсан күні сағат 08:00-дегі жағдай бойынша 11 үйге  жылудың әлі де берілмегенін  хабарлады.

«Пәтерлерге жылу беруді қалпына келтіру жұмыстары жүргізілуде. Жылу қосылған үйлерде су көтерілетін құбырлар мен радиаторлар ауыстырылады. Сондай-ақ су және жылу жүйелерін жөндеу жұмыстары жүргізілуде» делінген хабарламада.

Екібастұзда небәрі 689 көпқабатты үй бар екені белгілі болды. Қалған 11 үйді жылумен қаматамасыз ету бүгінгі күннің соңына дейін жоспарланған.