Екібастұзда Ресейде іздеуде жүрген кісі өлтіруші ұсталды

Екібастұз полицейлері 2023 жылдың шілдесінен бастап кісі өлтіргені үшін мемлекетаралық іздеуде жүрген Тәжікстан азаматын тапты.

Полиция құрылыс алаңында рұқсатсыз жұмыс істеген Тәжікстанның үш азаматын ұстады. Олардың жеке тұлғасын  анықтау үшін көші-қон қызметі бөліміне жеткізілді.

«Мәліметтер базасын тексеру кезінде Қазақстанға үш шетелдіктің жеке мақсатпен келгені анықталды. Сонымен қатар шілде айында 22 жастағы азаматтың адам өлтіргені үшін Челябіде РФ Ішкі істер министрлігінде мемлекетаралық іздеуде екені анықталды.» деп хабарлады Павлодар облысының полиция департаменті.

Көші-қон заңнамасын бұзғаны үшін екі шетелдікке қатысты ҚР ӘҚБтК-нің 517-бабының 5-бөлігімен әкімшілік материалдар толтырылды.