Екібастұзда қапшық ішінен адам мәйіті табылды

Екібастұзда қапқа салынған адам денесі табылды. Полиция оның жеке басын анықтауға көмек сұрап отыр.

Сәуірдің 24-і күні Нұралин көшесінің бойындағы ескі зираттың кіреберісіндегі еріген қар суы астынан полиэтилен пакетке салынған адам мәйіті табылды. Қылмыстық кодекстің 99-бабы «Адам өлтіру» бойынша сотқа дейінгі тергеу басталды. Сот-медициналық сараптама тағайындалды.

«Мәйітте «Челси» командасының эмблемасы бейнеленген көк Adidas жейдесі, қара Nike спорттық костюмі, сұр жолақтары бар қара түсті ерлерге арналған күрте және қара шұлық болған» делінген полиция хабарламасында.