Екібастұз тұрғындарының пәтерлері жылынар емес

Тұрғындар жылу беретін батареяның суықтығына шағымдануда. Олар үй ішінде қалың киім киіп, жылытқыш қосып  жылынуға мәжбүр екендерін айтуда.

«Екібастұзтеплоэнерго» ЖШС 4 наурызда сағат 21.00-де стансадан шығатын (берілетін) желілік судың температурасы 9,2/2,0 кг/см2 қысымда 46 градус екенін хабарлады.

«Стансада төрт №6, 9, 14, 15 қазандық агрегаттары жұмыс істеп тұр, алдағы тәулікте тағы екі №5, 11 қазандық қондырғыларын іске қосу жоспарлануда, бұл температура көрсеткіштерін одан да жоғарылатып, 65 градусқа жеткізеді. Дүйсенбі күні жөндеу жұмыстары аяқталғаннан кейін №12 қазандықты іске қосу жоспарлануда» деп хабарлайды компанияның баспасөз қызметі.

Мекеме станса қызметкерлерінің тәулік бойы жұмыс істейтінін баса айтты.