Екібастұз қаласының ауасы шектен тыс ластанған

Екібастұзда ауа ластану нормасынан асып кетті, дегенмен шетелдік компания 6 қарашаға дейін Екібастұз ауа сапасының жақсаратынын болжайды, деп хабарлайды Orda.kz. 

Pavlodarnews.kz мәліметінше, Екібастұз тұрғындары қазанның 22-сі мен 24-і аралығында қалада жағымсыз иіс шыққанын айтып шағымданған. Қала тұрғындары иісті көшелерде де, пәтерлерінде де сезген. Осы иіс екібастұздықтардың жөтеліне себеп болған көрінеді.

Облыстық табиғатты қорғау басқармасының мәліметінше, «Қазгидромет» РМК Павлодар филиалының екі бекетінде атмосфералық ауаның жай-күйі тұрақты бақылауда. Олардың зерттеулері бойынша ауаны ластаушы заттардың концентрациясы нормадан аспайды. Ал департаментке Екібастұздан атмосферадағы артық заттар туралы ешқандай мәлімет түспеген.

Бірақ, ауа сапасын бақылайтын және ауаны тазартатын өнімдерді жасайтын швейцариялық «IQAir» компаниясының зерттеулеріне сәйкес, бүгінде Екібастұзда РМ2,5 концентрациясы 6,4 көрсетіп отыр. Бұл дүниежүзілік денсаулық сақтау ұйымының стандартынан 1,3 есе жоғары.

PM2,5 – минералды тұздардың, қара күйенің, құмның және асфальттың, ауыр металдардың қосылыстарының, өсімдік тозаңдарының, аэрозоль ластануының ұсақ тамшылары мен газдардың микробөлшектері. Ал 2,5 өлшемі – 2,5 микрометрге тең. 

«IQAir» компаниясы Екібастұздағы жалпы ауа жағдайын 35 АҚШ AQI⁺ деп бағалайды. Бұл Польшаның Вроцлав қаласындағы «адам төзгісіз»  деген ауа жағдайына ұқсас.