Екібастұзда кісі өлтірген күдікті ұсталды

Бір күн бұрын Екібастұзда өз үйінің ауласында қоқыс шығарып жатқан адамды атып кеткен. Полиция бүгін кісі өлтірді деген күдіктіні ұстады.

Оқиға бейнебақылау камераларына түсіп қалған. Бейнажазбадан 23 ақпанда таңғы сегізде белгісіз біреудің қарудан оқ атқаны көрсетілген. 60 жастағы Жанат Мақсұтовқа атылған бірінші оқтан кейін кісі өлтіруші қашып кеткен, артынан ісін аяқтауға келген.

Назар аударыңыз, видеода зорлық-зомбылық көріністері бар!

Бүгін полиция қызметкерлері бұл қылмыстық іс бойынша 65 жастағы ер адамды ұстағаны белгілі болды. Бұл туралы Павлодар облыстық полиция департаментінің бастығы Нұрлан Мәсімов мәлімдеді.

Себептер мен жағдайлар анықталуда. Күдікті Екібастұз қаласының уақытша ұстау абақтысына қамалды. Егер ұсталған адамның кінәсі расталса, ол 8 жылдан 15 жылға дейін бас бостандығынан айрылуы мүмкін.