Екібастұзда қыз аккумулятор қышқылын ішіп, ауруханаға түсті

Қайғылы оқиға Екібастұз қаласында болды. Сегіз жасар қыз абайсызда аккумулятор қышқылын ішіп алған.

Бұл туралы Orda.kz хабарлады.

Pavlodarnews.kz хабарлағандай, бала жедел түрде жансақтау бөліміне жатқызылды.

– 12 тамызда таңғы сағат 9:40 -та қалалық ауруханаға 2013 жылы туған қыз жатқызылды. Ол үйінде абайсызда аккумулятор қышқылын ішіп алған, - деді облыстық ІІД баспасөз қызметі.

Облыстық денсаулық сақтау басқармасы баланың жағдайы орташа ауыр екенін айтты. Алғашында қыз Екібастұз ауруханасының жансақтау бөліміне жатқызылса, кейін облыстық балалар ауруханасының терапия бөліміне ауыстырылды.

Соңғы бір тәулік ішінде Екібастұзда облыстық ІІД-де осындай екінші жағдай тіркелді. 41 жастағы ер адам аммиак қышқылын ішіп, уланып қалған.