Екібастұздағы төрт «маугли» бала ауруханаға түсті

Екібастұзда пәтерлердің бірінде табылған төрт бала ауруханаға жатқызылды.

«Аудандық пневмония және коронавирус балалар ауруханасының жұқпалы аурулар бөлімінде төрт бала емделіп жатыр. Анасы олармен бірге. Олардың жағдайы тұрақты, бәрі қалыпқа келіп жатыр. Коронавирустық карантин аяқталғаннан кейін балалар толық тексеруден өтеді» деп хабарлады Павлодар облысының денсаулық сақтау басқармасы.

Еске салсақ, Екібастұздағы пәтерлердің бірінен қалалық білім бөлімінің қорғаншылық және қамқоршылық органдарының мамандары 2016, 2014, 2017 және 2018 жылы туған төрт баланы тапты. Оларды лас, аш балалардың жағдайы таң қалдырды. Екібастұз қалалық білім бөлімінің қорғаншылық және қамқоршылық секторының мамандары жедел түрде өз қаражатына азық-түлік пен сабын сатып алды. Мамандар бірден балаларды жуып, тамақ беріп, оларды киіндірді. Еріктілер азық-түлік пен киім-кешек әкелді.

«Барлығы аурушаң, жүрмейді. Қыздың іші үлкейіп кеткен. Ұлдардың бірі екі күн бойы құсып жатыр. Екі үлкен баланың аяқ-қолы бұралған. Белгілі болғандай, олар үш күннен бері тамақ ішпеген. Неге балалардың барлығы дертке шалдыққан, неге ата-аналары емдемеген? Қалай олар үш күн тамақсыз жүрген? Жедел жәрдем шақырдық. Оқиға орнына жеткен дәрігерлер балаларды анасымен бірге шұғыл түрде ауруханаға жатқызды. Ешқандай киім мен аяқ киім жоқ, балаларды қолдарынан келгенін киіндіріп, үйден алып шықты» дейді VITA іздеу жасағының еріктілері.

Көпбалалы отбасының отағасы «Богатырь Көмір» ЖШС мердігерлік ұйымында жұмыс істейтіні белгілі.

Балалар алдымен Екібастұз ауруханасына жатқызылып, кейін Павлодар облыстық ауруханасына жеткізілді.

Кейін балалардың анасының қарындасы бар екені белгілі болды. Павлодар облысындағы ауылдардың бірінде тұрады.

Белгілі болғандай, ішімдік ішетін әйел бір жасар қызын үнемі ата-анасының қара суық үйінде тастап кетеді. Оның ата-анасы да ішімдікке тәуелді. Әйел үлкен балаларға ата-ана құқығынан айырылады. Қазір қыз Ақсу қалалық ауруханасының балалар бөлімінде жатыр.

Осы фактілер белгілі болғаннан кейін Павлодар облысының әкімі Әбілқайыр Сқақов Ақсу және Екібастұз қалаларының әкімдеріне сөгіс жариялады. Облыс әкімінің айтуынша, Екібастұзда төрт баланың басынан өткен оқиға тиісті мемлекеттік органдар жұмысындағы, жалпы отбасын қорғау саласындағы «ескі мәселелердің бетін ашты».