Екібастұзда ірі қарадан бруцеллез табылды

Екібастұзда бруцеллезбен ауырған мал анықталған шаруа қожалығына шектеу шаралары енгізіледі.

Бұл туралы Orda.kz хабарлады.

- Ірі қара мал арасында бруцеллез ауруы анықталуына байланысты Екібастұз Ақкөл ауылындағы «Көкше» шаруа қожалығының аумағында шектеу шаралары белгіленсін, - делінген Ақкөл ауылдық округі әкімінің шешімінің жобасында.

Жағдайды Павлодар облысы эпизоотияға қарсы шаралар департаментінің бас маманы Ғалым Бейсенов түсіндірді. Маусым айында фермадан ірі қара малының қан сарысуынан 62 сынама алынды, оның төртеуінен бруцеллез табылды.

- 24 маусымда бруцеллезге оң реакция беретін ірі қара малын полимерлі тізбекті реакция әдісімен зерттеу үшін патологиялық материал іріктелген «КХ ЭМПК» ЖШС ет комбинатына штамптау үшін тапсырды. Сонымен бірге ірі қара малдан таңдалған патологиялық материал бойынша бруцеллезге оң нәтиже алынды, - деді Бейсенов.

Белгілі болғандай, штамптау кезінде, егер 24 сағат ішінде патологиялық өзгерістер анықталмаса, сойылған малдың еті сатуға жіберіледі.

Ақкөл ауылдық округінің әкімдігі шаруалар шаруашылығына шектеу енгізбекші. Шешім жобасы 1 қыркүйекке дейін қоғамдық талқылауда. Құжат күшіне енгеннен кейін Республикалық эпизоотияға қарсы отряд «сауықтыру шараларын» жүргізеді.

Шектеу шаралары енгізілгеннен кейін шаруа шаруашылығына етті еркін сатуға тыйым салынады, малды тек ет комбинатына сатуға болады.

- Әр 15 күн сайын ірі қара малының қан сараптамасы жүргізіледі. Ауру мал басы жоюға жіберіледі. Жануарлардың қанында бруцеллез болмаған жағдайда, қатарынан екі зерттеуде соңғы дезинфекция және сарайларда шаю жүргізіледі, - деп түсіндірді Бейсенов.

Егер инфекция табылмаса, шектеулер алынып тасталады.

Бруцеллез - адамдар мен жануарлардың созылмалы жұқпалы ауруы. Көптеген жануарларда бұл өмірге қабілетсіз жас жануарлардың туылуынан және бедеуліктен көрінеді. Әлеуметтік қауіпке байланысты бруцеллез карантиндік аурулар тізіміне енгізілген.

Авторы: Махамбет Абжан

Аударған: Айнура Дарибаева