Екі сағатта Киевті аламыз дегендерің қайда? - Украина қорғаныс министрі

Украина қорғаныс министрі Алексей Резников украин халқына үндеу жасады.

Резников Ресей әскери операциясын бастағалы бері үш күн өткенін еске салды.

«Әлемді және біздің елімізді түбегейлі өзгерткен үш күн өтті. Киевті 2 сағатта басып аламыз дегеннің барлығы қайда? Қайда олар? Мен оларды көріп тұрған жоқпын. Мен тек қана олардың ақталып жатқанын естудемін.

Есесіне мен ержүрек әскерді, жеңімпаз гвардияны, батыл шекарашыларды, жанкешті құтқарушыларды, сенімге ие полицияны, құтқарушы періштеге айналған дәрігерлерді көріп тұрмын. Олардың барлығы да өз міндеттерін, борыштарын орындауда.

Мен қолына қару алып, өз елін қорғауға шыққан мыңдаған азаматтарымызды көріп тұрмын. Түнектен кейін таң атып келеді» деді Резников.