Екі полицей 13 жасар қызды зорлады деген күдікке ілінді

Наурыз айында Қырғызстан астанасында болған жантүршігерлік оқиға туралы белгілі болды. Екі полиция қызметкері жасөспірімді зорлады деген күдікке ілінді. Енді жауап алу кезінде қызға полицейлер психологиялық қысым жасағаны анықталды.

Қазір іс бойынша тергеу жүріп жатыр. Жәбірленушіден жауап алу кезінде әлеуметтік қызметкерлер мен психологтар болмаған. Бұл туралы құқық қорғаушы Мээрім Осмоналиева хабарлады.

Оның айтуынша, «Оазис Қырғызстан» қайырымдылық ұйымы кәмелетке толмаған баламен болған оқиғаны бақылауға алған.

«Тергеушілер назарына алған қыздың барлық айғақтары жауап алу кезінде психолог пен әлеуметтік қызметкерлердің қатыспауына байланысты толық емес деп есептелуі керек. Бішкектің Бірінші Май аудандық ішкі істер басқармасында қыздан жауап алу ата-анасының, балаларды қорғау жөніндегі уәкілетті органның қатысуынсыз екі сағатқа созылды. Қызға психологиялық қысым жасалған. Тергеуші жәбірленушінің ата-анасына қылмыстық іс қозғау, күдіктіні айыптау және қылмыстық істі сотқа жіберу туралы қаулыны әлі берген жоқ» деді Мээрім Осмоналиева 24.kg агенттігіне.

Сондай-ақ, тергеу және жауап алу кезінде тергеушілердің, құқық қорғау органдарының қыз бен оның отбасына келтірген моральдық шығын бағаланады.

Құқық қорғаушы жүргізілген сот-медициналық сараптаманы сенімсіз деп санап, істі психолог/психотерапевт, әлеуметтік қызметкер, тәжірибелі заңгердің қатысуымен барлық стандарттарға сай қайта қарауды талап етті.