Екі кішкентай баласымен кіреберістегі бетонда ұйықтап қалған ананың ата-аналық құқығы шектелді

Ақтауда үйдің кіреберісіндегі бетон еденде екі кішкентай баласымен ұйықтап жатқан ананың жантүршігерлік оқиғасынан екі ай өткеннен кейін видеоға түсіп қалған әйелдің ата-аналық құқығы шектелді.

Бұл туралы білім басқармасының балалар құқығын қорғау секторының меңгерушісі Жұлдыз Ағманова айтты, деп хабарлайды Orda.kz. Ладаға сілтеме жасай отырып.

Екі баланың анасы 38 жаста. Ол Жамбыл облысынан Ақтауға жұмысқа келген. Мұнда ол пәтер жалдаған. Қазір төрт жасар үлкен баласы кәмелетке толмағандарды бейімдеу орталығында. Екі жасар қызы балалар үйінде.

Белгілі болғандай, әйел түсіндіру әңгімесіне шақырылған, өкінішке қарай әйел ол жерге мас болып келген. Осы уақыт ішінде анасы балаларына бір-ақ рет барған.

Жұлдыз Ағманова балаларды анасының інісі қамқорлығына алмақ ниетте екенін атап өтті. 

«Ол үшін інісі қажетті құжаттарды жинайды. Одан кейін Алматының қорғаншылық органдары тексеру жүргізеді. Осы қорытындымен балаларды қорғаншылыққа береміз», - деп түйіндеді маман.

Естеріңізге сала кетейік, оқиға 16 шілде күні Ақтаудың 6-шағын ауданындағы №28 көпқабатты үйдің кіреберісінде болған. Мас әйел кішкентай балаларымен бірге бетон еденде ұйықтап қалған. Оқиғаны куәгер видеоға түсіріп алған.