Екі ел теміржол маршруттарын қайта жандандыру мәселесін талқылады

ҚР Инсдустрия және инфрақұрылымдық даму министрлігі делегациясының Өзбекстанға сапары аясында екі ел арасындағы серіктестікті нығайту бағыттары талқыланды, деп хабарлайды ORDA.kz kazinform.kz-ке сілтеме жасап.

ҚР Индустрия және инфрақұрылымдық даму министрі Берік Камалиев пен Өзбекстан Көлік министрінің міндетін атқарушы Илхом Махкамов келіссөз жүргізіп, инфрақұрылымдық жобалар туралы пікірлерімен бөлісті. Қарастырылған мәселелер арасында, жаңа Мақтаарал – Дарбаза теміржол желісін салу мәселесімен қатар жүрдек пойыздарға арналған Түркістан – Шымкент – Ташкент бағытындағы теміржол құрылысын жүзеге асыру талқыланды.

Сонымен қатар, Қазақстаннан Самарқан мен Үргенішке және одан қайтатын тұрақты рейстерді жасау жоспары бар.

Екі тарап эпидемиологиялық жағдайды ескере отырып, теміржол маршруттарын қайта жандандыру мәселесін талқылады.