«Екі аяғын кесті»: Әйелін қасақана көлікпен қаққан павлодарлық тұрғын 8 жылға сотталды

Биыл 6 қаңтар күні Павлодар қаласындағы сауда үйінің көлік тұрағында әйелін қасақана қағып өткен азаматқа сот үкімі шықты. Ер адам 8 жыл бас бостандығынан айырылды, деп хабарлайды Orda.kz.

Оқиғадан кейін дәрігерлер әйелдің екі аяғын бірдей кесіп тастауға мәжбүр болды. Өз әйелін қағып кеткен соң жүргізуші көмектесуді тіпті ойламай, көлігінде міз бақпай отырған.

Сот үкімімен ер адам қауіпсіздігі орташа колонияда жазасын өтейтін болды. Сонымен қатар, жәбірленушіге моральдық шығын ретінде 15 миллион теңге және материалдық шығын үшін 1,2 миллион теңге төлеуге міндетті. Әйел сот отырысына онлайн қатысты.

Оның айтуынша, айырылысқаннан кейін ол ер адамға ортақ баласымен сөйлесуге кедергі келтірмеген. Содан да болар ер адам оның жеке өміріне араласа берген.

Сот үкімі әлі заңды күшіне енген жоқ.