Екатеринбургте Қазақстанның Бас консулдығы ашылды

Ресейдің Екатеринбург қаласында Қазақстанның Бас консулдығы ашылды. Ресми ашылу салтанатына ҚР премьер-министрі Әлихан Смайылов қатысты.

Ол XIII «ИННОПРОМ» халықаралық өнеркәсіптік көрмесіне қатысу үшін Екатеринбург қаласына (РФ) жұмыс сапарымен барған еді.

«Бас консулдық жұмысы Қазақстан Республикасы өңірлері мен кәсіпорындарының Ресей Федерациясы аймақтарымен сауда-экономикалық және мәдени-гуманитарлық ынтымақтастығын кеңейтуге, сондай-ақ тиісті консулдық қызметтердің қолжетімділігін арттыруға бағытталған»,- деді Смайылов.

Айта кетейік, округ аумағында 90 мыңнан астам қазақ, оның ішінде Қазақстаннан келген 7 мыңнан астам студент бар.